WILLEMSTAD,—-Tabata djarason tras di lomba ku Shaqira Noor a sali pa El Salvador, kaminda ku e lo bai partisipá na sertámen di “Miss Teen Mundial 2021”. Ta trata aki di un sertámen, ku ta konta ku partisipashon di 30 partisipante.
T’asina ku e promé tres dianan Shaqira a keda na Panamá, pero riba e dia di awe, e ta yega El Salvador pa asina e kuminsá aklimatisá su mes. Kòrsou ta pinta di ta un faborito grandi pa e sertámen aki, mirando ku ta un damita krioyo i ku hopi karisma . Ta un damita ku tin ta prepará for di 2019 na momentu ku el a gana e promé edishon di “Miss Teen Curaçao International”, bou di e organisashon di CICQ.
Kòrsou por sigui e sertámen aki riba tur plataforma di Sosial media di “Miss Teen Mundial” òf Di Cicq. Ya por kuminsá vota riba facebook instagram di @Missteenmundial pa asina Kòrsou tin un puesto sigurá den e tòp di e sertámen final, ku lo bai ta dia 25 sèptèmber proksimo.
Otro informashon ku Vigilante Farándula ta na altura di dje, ta bisa ku Gionel Virginie, tambe ta huntu ku Shaqira Noor. Esaki ta nifiká ku Gionel su meta i pensamentu ta pa bolbe hasi historia. Vigilante Farándula, sigur lo bai sigui Shaqira Noor hopi di aserka, pa asina laga Kòrsou sa kon tur kos ta bayendo kuné durante di e sertámen i su partisipashon.