Back to Top
Vigilante banner image

Shardyone Semerel wardando su destino na Marokko despues di mata yu di hues


May 28, 2024 • 2 minüt pa lesa

Sitio di delito unda hende inosente a muri

Marrakech—E yu di Kòrsou Shardyone Semerel for di Yanüari 2023 ta sentensha na morto pa un Tribunal Penal den Apelashon na Maroko. Semerel huntu ku un otro hòmber Edwin Martinez riba 2 di novèmber 2017 a asesiná un studiante den un cafe na Marrakech Maroko.

Tabata riba 2 di novèmber 2017  ku Semerel i Martinez, kende a nase na Repúblika Dominikana yega na un cafe na Marrakech  i los bala riba un hóben. E dos hòmbernan tabata amigu di otro, segun prensa hulandes. Pero nan a kometé un fayo i asesiná hende robes.  Tabata un hóben bistí na un flanèl blanku. Despues di a los bala mortal riba e hóben, nan a kore bai pero durante nan huida unu dje hòmbernan a punta nan arma di kandela riba un dama testigu kende a para mira tur kos i rekonosé ámbos. Un investigashon di outoridatnan hudisial na Maroko i Ulanda a bin konkluí  ku, Semerel i Martinez tabata riba un orden di 50 mil dòler kada unu pa asesiná e marokano Mustapha “Moes” i su ruman hòmber Mohammed. Un baron di droga den prizòn na Ulanda lo mester a duna e órden di asesinato, despues ku Mustapha lo a rip deal un transakshon di  27 mion euro. Esaki ta lokual e akusadonan a deklará durante nan interogashon.

Mustapha i su ruman Mohammed ta run e cafe na Marrakech ku yama “La Creme”. Semerel i Martinez a haña informashon ku  Mustapha lo ta sint’a ku su ruman muhé na e cafe La Creme i ku e tabatin un flanèl blanku bisti. Sin pensa, e dos hòmbernan a yega basha bala, pero ta bin resultá ku e víktima tabata un hóben inosente, kende ta yu di un hues na Maroko.  Korte Penal den Promé Instansha i tambe den Apelashon a konfirmá Pena di Morto. Ni Semerel ni tampoko Matinez no tabata muchu konosí pa hustisia ulandes. E hóben Marokanao ku a pèrdè su bida , Hamza Chaib di 26 aña tabata sintá ku su frei momento ku Martinez a los tirunan dirigí riba nan. Su frei i un empleada di e cafe tambe a keda seriamente herida pa e tiroteo.

Login