Outo ku a bai mondi

Willemstad— Polis tabata buskando shofùr di un outo ku a okashoná un aksidente riba e kaminda di Veeris pero despues di un ratu esaki a presentá bek na e sitio.

Polis a keda dirigí pa Helmin Wiels Boulevard pa un vehíkulo ku a aksidentá i bai resultá parsialmente den mondi. Na e sitio a bin topa ku e shofùr ku a splika ku ta un outo ku a bula sali su dilanti a dal den dje pone pèrdè kontròl bai resultá den e mondi. E vehíkulo ku a okashoná e aksidente a sigui kore bai pero a logra di kapta su number. Polis mesora a kuminsá buska e vehíkulo pa despues di un ratu a haña e informashon ku e shofùr ku a okashoná e aksidente a presentá na warda di polis. A orden’é pa e regresá na e sitio unda e la okashoná e aksidente di manera ku por finalisá e investigashon.