Domi na unda Polis a logra di blòkia e vehíkulo ku a trata di kore bai laga nan.

Domi-  Despues di un persekushon ku a kuminsá for di Promenade bai terminá na Domi Polis a logra di detené e shofùr bai warda kuné.

Ayera den oranan di anochi polis a bai duna un vehíkulo òrdu pa para pa asina esaki wòrdu kontrolá. E shofùr ku tabata manehá e vehíkulo no a sigui e órden duna pa Polis i a duna gasolin sigui kore bai.     Polis mesora a start ku  un persekushon ku  a bin  terminá na Domi unda e vehíkulo a bin aksidentá kontra di  un otro vehíkulo. Akinan polis a logra di blòkia e vehíkulo i tambe a hasi detenshon di e shofùr ku no a sigui órden duna pa Polis. A bai warda kuné pa mas investigashon.