Willemstad,– Promé minister Gilmar Pisas  a splika ayera ora wak situashon finansiero di pais Kòrsou, nos tin problema basta serio e esaki ta debí na Covid 19.

E ta bisa ku si analisá e medidanan, nos no a stòp aktividatnan farandulero siendo ku si wak ku awe tin 84 persona kontagiá, dado momentu mester a tuma medidanan mas severo mesora, pero a tuma komo desishon pa bai kontrolá e tipo di aktividatnan aki mas severo.

E ta bisa tambe ku un di e klusternan di kontagio probablemente ta bin for di e gremio di farándula.

“Si resultá ku apesar di e kontròl ku ta bini tòg no ta wanta e kontagio, anto e ora ei lo mester bai over na medidanan mas severo”, asina señor Pisas a bisa.

Promé minister a bisa ku ta bai atendé primeramente ku aktividatnan di farándula, paso akinan tin mas aglomerashon i a analisá mas o ménos 10 di e lugánan aki ku ta bai haña e kontròl nesesario. E ta bisa ku pa loke ta deporte esaki ainda no ta nesesario paso tin espasio sufisiente.