Back to Top
Vigilante banner image

"Si OM sigui skonde tras di e pandemia lo tin konsekuensia pa abogadonan i tambe e kasonan"


July 23, 2021 • 2 minüt pa lesa

Segun abogado Alejandra ku si OM sigui skonde tras di e pandemia esaki lo por tin konsekuensia pa tantu e abogadonan i e kaso mes tambe.

Nieuwe Haven—- Segun e abogado mr. H.M.M. Alejandra e ta haña ku krímen a subi bastante i espesialmente bou di edat muchu hóben. E la indiká ku na su pareser ku hopi hóben ta kometiendo delitu awor aki debí ku nan tin mester di sèn.

Durante un kombersashon ku Vigilante a hiba huntu ku abogado mr. Alejandra e la duna di konosé ku na su pareser krímen a subi i esaki espesialmente bou di edatnan muchu hóben. Segun e abogado ku ketu bai e edatnan ta muchu mas abou i ku tin biaha esaki ta gewon paso e hóbennan tin mester di sèn. Segun e abogado ku rapòrtnan ta mustra hopi dekadensia sosial bou di edatnan hóben òf mihó bisa falta di un maneho dirigí riba e hóben i tambe e situashon sosial di famianan.

Segun e abogado den e periodo di Covid si e no a logra di bishita su kliente na warda na momentu di su detenshon e ora ei su defensa den detenshon preventivo tabata hopi difísil. Pa loke ta trata e kontakto esaki tabata hopi difísil i tin biaha tabata ku koperashon di e wes komisario e tabata por a papia ku su klientenan, si no esaki lo no por tabata posibel.

Tambe e la indiká ku mirando e situashon di pandemia e mes persona por a biba ku esaki, paso semper e chèns pa por a logra skòrs e detenshon di e kliente tabata riba mesa. Pero lokual ku si e no a haña ku tabata hustu ta ku nan komo abogado no tabata risibí e rapòrt final serka OM pa asina nan komo defensa por a kuminsá prepará nan pleit. Siendo ku pa Ministerio Públiko e pandemia mayoria di biaha no tabata un opstákulo pa por a terminá e investigashonnan.

Segun e abogado ku mirando ku vários kaso a ser posponé i/ òf wòrdu di skùif esaki lo por hunga un ròl riba e kasonan nobo ku ainda mester risibí un fecha di tratamentu. E abogado a finalisá bisando ku si OM sigui skonde tras di e pandemia i no manda e rapòrt final na tempu pa e abogadonan esaki lo por tin konsekuensia pa tantu e abogadonan i e kaso mes tambe.

Login