AMSTERDAM—E sientífiko hulandes Rochelle Niemeijer (29) ta ganadó di e premio anual Young Inventors di Ofisina Oropeo di Patente (Octrooi Bureau Oropeo).

El a gana e premio pa su invento di un mini laboratorio portatil di inteligensia artifisial (AI) ku por detektá bakterianan ku por kousa infekshonnan. E kaha di prueba ta spesialmente adekua pa determiná kua bakteria a kousa un infekshon urinario den un pashènt. Un dokter por determiná kua antibiotika ta nesesario pa kombatí e infekshon. Ainda frekuentemente ta preskribí antibiotika sin ku tin un diagnostiko adelua. Esaki ta un peliger, pasobra bakterianan ta bira resistente kontra antibiotika, si tin uso ekseso. Pa mantene efikassia di antibiotika eksistente, mester usa nan na e forma adekua, segun Niemeijer. ‘Nos tèst a keda desaroyá pa hasi esaki posibel. Niemeijer ta ko-fundadó di e kompania nobo Nostics den Amsterdam. E kompania kier diagnostika tambe pa malesanan transmití seksualmente, hongo i infekshon di sanger.