Back to Top
Vigilante banner image

Siguridat di bida ta logro grandi riba islanan BES


May 17, 2024 • 2 minüt pa lesa

Resultadonan Relashonnan den Reino.

Kralendijk—Segun Servisio di Informashon den Reino, riba islanan BES, tabatin mehorashon riba siguridat di bida pa e abitantenan di Boneiru, Saba i Sint Eustatius. Miéntras esaki a tuma lugá riba islanan BES, islanan KAS a konosé palabrashonnan nobo riba kolaborashon den e Den 2023 esaki tabata e logronan mas importante den e relashon entre Hulanda i e partinan karibense di Reino.

Ménos gastu di bida
Na 2023 a publiká e rapòrt di e Komishon Sosial Mínimo Hulanda Karibense. Parsialmente basá riba e rapòrt aki, e gabinete a disidí di pone 30 mion euro disponibel strukturalmente entrante 2024, pa mehorá e siguridat di bida di abitantenan di Boneiru, Saba i Sint Eustatius. Asina e salario mínimo legal lo oumentá te $1.750 pa luna entrante promé di yüli 2024. Na 2023 a tuma diferente medida pa baha e gastunan di bida. Ehèmpel di esaki ta e mantenshon di e supsidio di energia, e redukshon di gastunan di koriente, awa di bebe i internèt, e supsidio pa e fèri na Islariba i un kontribushon finansiero pa transporte públiko na Boneiru, Saba i Sint Eustatius.

Na 2023 a sera akuerdonan atministrativo ku tantu Sint Eustatius komo Saba. E temanan prinsipal ta inkluí siguridat di bida, desaroyo ekonómiko i teritorial, klima, naturalesa i medio ambiente, bon gobernashon i ampliamentu di e kapasidat di ehekushon.

Kolaborashon duradero
E kuater paisnan den Reino a firma na komienso di aprel 2023 e Areglo Mutuo pa kolaborashon duradero riba reformanan den e sektor públiko den e paisnan karibense. Aruba, Kòrsou i Sint Maarten ta traha huntu ku e Organisashon di Trabou Temporal (TWO).

Na Aruba, entre otro, a yega na un akuerdo riba modernisá e merkado laboral kombiná ku fortifikashon di e siguridat sosial i a sera un akuerdo di kuido pa kontrolá gastu di kuido i vigilá e kalidat di kuido.Na Kòrsou, na aña 2023, a introdusí e programa ‘Mehorá Funshonamentu di Gobièrnu’ pa realisá bahada den gastunan di personal i pa fortifiká e kalidat di e aparato gubernamental. A digitalisá e lokèt di pèrmit pa empresario na Kòrsou i a sigui traha pa atendé ku retrasonan den mantenshon di edifisionan di skol. Na Sint Maarten, na aña 2023 a establesé e kuadro pa reforma amplio den e organisashon di gobièrnu. Fortifikashon di organisashon di gobièrnu, kultura di organisashon i integridat ta sentral den esaki.



Login