Otrobanda—Gobièrnu di Korsou aktual ta kuestion pago di 9 mion florin di hür i pago di gastunan operashon ku gobièrnu anterior a hasi.  E pagonan a tuma lugá na Sehos durante 1 aña, (mei 2020 pa 2021), largu na Sehos pa alokashon di pashènt.

Segun aktual gobièrnu ta gastamentu di plaka tabatin. Na hür a paga 5.7 mion florin i na gastunan operashonal a paga 2.8 mion florin miéntras tabatin gastunan di preparashon di kasi 570 mil florin aserka. Tabata trata espasio personal i ekipo pa tene un situashon emergente si akaso a bini eskalashon di Covid. Gobièrnu a realisá durante e pagonan, no tabatin ningun pashènt di Covid ku a okupa fasilidatnan di Sehos.

Sehos tabatin un debe di 19 mion florin na Gobièrnu di Korsou. 2 mion florin a keda deskontá via di e suma ku gobièrnu mester a paga na hür miéntras a paga Sehos 5 mion na hür. A keda kasi 2 mion florin habrí na debe serka Sehos, miéntras Sehos debe gobièrnu awor 16 mion florin. Esaki segun aktual gobièrnu ta inkomprendibel i ademas a uza plaka di sosten fo’i gobièrnu pa mal gastamentu.