Back to Top
Responsive image
E korant di pueblo

E situashon finansiero di Kòrsou por bira difísil


March 25, 2021 • 1 minüt pa lesa

.

Punda– Pone un ekonomia abou 2 siman ta kasi imposibel pa rekuperá sin fondo. 4 siman ta devastador i kombiná ku un reseshon, mihó entrega tur kos. Esaki ta lokual por konkluí for di sifranan makro ekonómiko di Kòrsou, despues di e promé Lockdown na 2020.

Sin COHO, durante un reseshon stimulá pa Lockdown rekuperashon ekonómiko pa Kòrsou ta mustra difísil. Durante último 2 aña, Ulanda ta kombensé ku Kòrsou no por rekuperá su ekonomia, su finansas públiko i ni tampoko mantené su balansa monetario. Na e momentunan aki, gran parti di Kòrsou ta protestando kontra di COHO. Pero na 2019, na momento Knops a ofresé pa desviá fo’i un medida di intervenshon i opta pa un akuerdo di kresementu, Kòrsou mester a duna rèspèt na esaki.

Gobièrnu di Kòrsou a keda sin duna reakshon riba un atvertensha di ekspertonan ekonómiko na Ulanda: ehekutá Akuerdo di Kresementu. For di yüni 2019, Raymond Knops a manda su atvertensha mediante e akuerdo, pero ku bon intenshon. Gobièrnu di Kòrsou no a reakshoná riba kontenido di e akuerdo.

Sin COHO, entrante final di mei 2021 NOW tei para.  Un otro aspekto importante mas ta meskos ku Giro, Ulanda mester garantisá kontinuidat di Ennia. Durante 2021 Korte Sivil lo sigui trata e wisio sivil den kaso di Ennia Caribe. Un sakeo desproporshonal ku a kosta kasi 1 miar florin ku a tuma lugá tantu bou di nanishi di maneho anterior na Banko Sentral pero tambe bou di e maneho interino na òktober 2017 ku entretantu a bira un maneho nombrá. Pa tal motibu na momentu Ulanda menshoná Ennia, e ta sondiá alabes ken ta den Banko Sentral tantu na nivel di maneho komo na nivel di komisariado.

Login