Back to Top
Vigilante banner image

Sin kapital sirkulante hopi ekipo no por start mas


January 20, 2025 • 1 minüt pa lesa

Brievengat—Finansieramente  ta bira hopi difísil i hasta imposibel pa ekiponan di futbòl, por start bek pa hunga un kampeonato di futbòl.

For di punto di bista finansiero, e ekiponan  tin un nesesidat di tin kapital sirkulante na man pa finansiá por lo ménos 2 luna di entrenamentu pa prepará na hungadónan i organisashon pa drai den kampeonato. Esaki ta bálido pa tur tres divishon di futbòl aktivo den FFK.

Un ekipo ku tin un tempu sin partisipá den un kampeonato, ta pèrdè su rekursonan finansiero a korto plaso, pero na nivel tékniko tambe e kostonan ta subi. Aparte di mester finansiá training i e entrenadó, ekiponan ta bai atras ku konsekuentemente mester remplasá. Tambe tin e fenómeno ku hopi miembro di direktiva lo pèrdè motivashon pa sigui.

Un ekipo den Promé Divishon por ehèmpel ta gasta entre 6 pa 8 mil florin mensual na training. 2 luna di prefiansiamemtui na training inkluso entrenadó por kosta entre 12 pa 16 mil florin dependé frekuensha di training. Aparte di esei, mester kubri kostonan operashonal manera finansiamentu di iluminashon i mantenshon di fasilidatnan. Sin pre finansiamentu ta bira kaso imposibel pa kalke ekipo inisiá bek. Aló ménos, si miembronan di direktiva mes finansiá esaki for di nan saku, pasobra spònsernan tambe ta bira un tarea difísil pa logra. Sin pre finansiamentu na ekiponan lokal, lo tin hopi problema pa start un kampeonato bèk.

Login