Back to Top
Vigilante banner image

Sint Maarten tambe kategorisá komo pais di riesgo hopi haltu pa CDC i Kòrsou


August 25, 2021 • 1 minüt pa lesa

Kantidat di kasonan aktivo i morto kousá pa Covid-19, publiká pa Gobièrnu di Sint Maarten

PUNDA- Sentro di Kòntròl i Prevenshon di Enfermedat na Estádos Unídos (CDC), a añadí seis (6) pais mas, inkluyendo Sint Maarten, riba lista di paisnan di riesgo hopi haltu pa keda kontagiá ku e vírus di Covid-19. Ademas CDC ta rekomendá pa pasaheronan evitá di biaha pa e paisnan riba e lista aki i si no por evitá e biahe pa bakuná promé.

E seis paisnan adishonal riba lista di paisnan ku riesgo hopi haltu ta Haiti, Kosovo, Marrueko, Bahamas i Sint Maarten. Pa motibu ku e kantidat di kasonan di infekshon ku Covid-19 na e paisnan menshoná ta mas ku 500 kaso pa kada 100.000 habitante durante e último 28 dianan, CDC a aloká e paisnan bou di e kategoria mas haltu pa loke ta trata riesgo pa keda infektá ku Covid.

Varios otro pais, inkluyendo Brazil, Inglatera, Kòrsou i Aruba, a keda kategorisá komo paisnan di riesgo hopi haltu pa algun siman kaba.

Motibu prinsipal ku CDC ta rekomendá pa no biaha pa e paisnan riba e lista aki ta pa e tasa haltu di kontagio di e variante Delta. Pues pa evitá ku habitantenan na Merka ta bai fakansi i keda kontagiá, a opta pa rekomendá kontra di esaki.

Asta personanan kompletamente bakuná ta kore riesgo pa keda infektá i pa plama e vírus di Covid-19, CDC ta anunsiá. Pues ta pidi tur pasahero pone atenshon na e situashon aktual di kontagio ku Covid-19 promé ku opta pa bai ku fakansi na e momentunan aki.

Login