Back to Top
Responsive image
E korant di pueblo

Siudadano ta alimenta pushinan ku ta biba den naturalesa ku kuminda na Koredor


May 18, 2021 • 1 minüt pa lesa

Un bista di e pushinan komiendo despues ku tur dia e siudadano ta sòru pa alimentanan.

Otrabanda- Tin hopi hende ku bon kurason ainda riba mundu. Un siudadano ku tur dia di nobo ta tuma su tempu i bai duna un kantidat d pushi kuminda ta hasiendo un gesto sumamente great.

Un bista di e siudadano na momentu ku e ta atendé ku e pushinan i ku esakinan a kustumbrá kuné.

Loke ku nos por a tuma nota di dje den oranan di ayera tardi tabata momentu ku un siudadano a yega na Koredor i a saka un saku di kuminda i mester a pone pa un grupo di pushi ku mester tin ta biba den e área. Vigilante a kombersá ku e siudadano ku ke keda anónimo a splika ya pa un 1 aña i mei kaba e ta hasiendo e obra aki unda tur dia di nobo ta trese kuminda i awa pa e pushinan. Tambe na momentu ku e pushinan ta malu òf mester hasi kontròl na veterinario tambe e ta hasi esaki. Mayoria di e pushinan a keda sterilisá. Sigur un gesto bunita ku e siudadano ta hasiendo apesar ku nan ta bestianan ku ta biba den mondi tòg e tin atenshon pa nan. Asta na momentu ku tabatin lockdown e siudadano tabata sali for di su kas i bin soru pa e pushinan pa asina nan tambe por haña di kome. Nos por a komprondé ku tin algun persona mas ku tambe sa bin trese kuminda pa e bestianan.  

Login