Back to Top
Responsive image
E korant di pueblo

Siudadano ta pèrdè kantidat di Tilapia debí na Black out


December 14, 2020 • 2 minüt pa lesa

Saliña—Vigilante a hiba kombersashon ku un siudadano ku ta biba den e área di Saliña, i e mester a bin pèrdè un kantidat di Tilapia ku e tabata kria. E piskánan aki mester a bin fayesé debí na falta di oksígeno.

E persona a duna di konosé ku e ta haña e situashon aki hopi laf, mirando ku e la kuminsá kria e piskánan for di chikí te ku awor ku nan a bira mas grandi. E piskánan tabata biba den un tanki grandi ku e habitante tabatin den su kura di kas. Via di un pòmp nan tabata haña oksígeno. E sushi nan di e Tilapia, e siudadano tabata uza pa vitamina pa su mata nan.

E la sigui splika ku na momentu ku koriente a bai outomátikamente e pòmp ku ta duna e piskánan oksígeno ta stòp di traha i kada ora ku no tin koriente e zürstòf di e piskánan ta bira ménos. E piskánan lo por a keda 2 pa 4 ora bibu, pero debí ku koriente a bai mas ku esaki e no por a hasi nada mas pa nan. 7 or koriente a bai i ya vários lugá a sera kaba i mirando ku tin   ‘Toke de keda’ di 9 or i no por a hasi mashá pa por a yuda e piskánan. Den ora nan di mainta trempan e persona a bai wak e piskánan i ya no por a hasi nada mas pa nan paso ya tur a stek i muri.

E siudadano ta duna di konosé ku e ta haña e situashon hopi laf. I ku e ta komprondé ku fayo nan por pasa i tur esei nan pero e ta duele ku tipo di kos nan manera un Black out ta pasa den e tempu ku nos ta bibando aki.

Situashon Lamentabel
Login