AMSTERDAM–Skarsedat riba merkado laboral a baha un tiki den e promé kuartal di e aña 2024, segun Ofisina Sentral di Estadistika CBS.

Pero ku 110 vakatura pa kada 100 desempleado, e tenshon ainda ta keda haltu. Den e promé kuartalaki, a registra 13.000 desempleado mas, mientras ku e kantidat di vakatura a subi un tiki. Djamars ultimo ofisina di CBS a indika ku e kantidat di trabou a subi atrobe ku 42.000 pa yega na 11,6 mion. Aki ta trata di trabou di 8 ora i partime. Uitzendbureau Ranstad Hulanda anteriormente a raportá ku e skarsedat di trabou a baha un tiki, pero ainda ta na un nivel haltu. Prinisipalmente den e parti teknika, ICT, konstrukshon i kuido, ta sigui tin mester di hopi hende. E demanda pa personal lo keda grandi den e próksimo añanan. Tambe den sektor públiko tin nesesidat di personal, manera den kuido di mucha, polis i edukashon. Den e promé kuartalaki, a registra 25.000 trabou adishonal kual ta un kresementu di 0,3%. Total a yega na mas ku 9 mion kupo di trabou. E kantidat di trabou komo freelancer a krese ku 17.000, pa 2,5 mion. Den sektor di servisio a registra un kresementu di 19.000 vakatura, un kresementu di 1%. Otro sektor ku a krese hopi ta gobièrnu ku (7.000), kuido di salú ku (7.000) i komersio, transporte i hotèl tambe ku (7.000). Despues di e di seis kuartalsigui den bahamentu di e vakaturanan, e kantidat di vakaturanan a  bolbe subi literalmente den e promé tres luna di 2024. Na final di e promé kuartal, tabatin 411.000 vakatura habri. Esaki ta un oumento di 1000 vakatura kompará ku fin di desèmber. Den gobièrnu  i servisionan gubernamental, a registra 3.000 vakatura adishonal i na final di e promé kuartaltabatin 29.000 vakatura habri. Den kuido e kantidat di vakaturanan a krese ku 2.000 te 67.000. E mayoria di vakatura tabata den komersio, sektor di servisio i kuido. Huntu e tres sektornan aki ta suma mitar di tur vakaturanan habri. Segun CBS i TNO, kantidat di trahadónan temporal a baha ku 30.000 te 2,7 mion di hende durante e kuartalpasa. E bahada a sosodé prinsipalmente entre e trahadónan ku un kontrato temporal, ménos si nan tabata temporal ku e perspektiva di bira permanente. E grupo aki a krese. Tambe e kantidat di trahadónan ku ta trahando pa uitzendbureau temporal a bira mas chikí, manera a raportá pa CBS i TNO basá riba un análisis konhunto di e último datonan tokante trabou temporal.