Manchi Harms djarason na rueda di prensa
VEERIS— E “Smart Cups” ku Fundashon Desaroyo Karnaval Kòrsou” a introdusí, a haña hopi akohida. Esaki ta lokual presidente di e Fundashon, Herman Manchi Harms a duna di konosé durante un rueda di prensa djarason último na KONTENTU den Sambil.
Tin hopi interes for di sektor komersial pa e kùpnan “green” ku Fundashon Desaroyo Karnaval Kòrsou a ta presentando. Presidente di e fundashon, Herman “Manchi Harms” durante su presentashon na prensa a anunsiá e proyekto di e kùpnan (beker). E fundashon pa 2023 a start promové un karnaval duradero i sostenibel. Un èrmènt pa logra esaki tabata introdukshon di kùpnan “amistoso” pa medio ambiente. E fundashon kier sostené ménos uzo di plèstik den karnaval i ta dirigí su mes pa por logra por lo ménos 50 mil kùp sostenibel i usabel durante periodo di karnaval.
Harms: “nos ke kuminsá for di 2023 pa hasi e proyekto mas grandi e dos siguiente añanan”. Ta bai mira e efekto mas tantu den e stelashinan kant’i kaya unda tin públiko ta mirando e karnaval. E fundashon a haña diferente patrosinio komersial pa kumpra un kantidat grandi di e kùpnan i via di prekario, e fundashon ta repartí e kùpnan. Ainda tin mas espasio pa patrosinio i gruponan di karnaval tambe ta bendiendo e bekernan.
Prekario tin por lo ménos mil kliente registrá. Kada unu dje klientenan tin por lo ménos un strèch di 3 meter di stelashi registrá. E fundashon ta pre kalkulá ku riba kada stelashi di pro medio 5 fanátiko di karnaval kant’i kaminda komo e públiko. Esei por nifiká ku lo tin por lo ménos 50 mil fanátiko di karnaval durante marchanan ta wak e espektákulo mas grandi di Kòrsou. Te intenshon pa suministrá e 50 mil fanatikonan den stelashi ku e kùpnan pa asina nan trata apstené un poko mas for di kùpnan di plèstik.