Willemstad,– Tambe promé minister demishonario Eugene Rhuggenaath a splika ku Snèk, bar i otro establesimentunan di horeca ku no tin un pèrmit di restorant, por keda habrí segun pèrmit ekonómiko te 8’or di anochi.
Na momentu di bishitá un di e establesimentunan akí, perkurá pa bo mes seguridat i esnan rondó di bo dor di sigui mantené distansia sufisiente i tene bo mes na reglanan di higiena.
Solamente klientenan sintá na un mesa por kome òf bebe na un establesimentu di Horeca i solamente 4 hende por sinta na un mesa.

Snek i Bar
Snèk, bar i otro establesimentunan di horeca ku no tin un pèrmit di restorant, por keda habrí segun pèrmit ekonómiko te 8’or di anochi. Na momentu di bishitá un di e establesimentunan akí, perkurá pa bo mes seguridat i esnan rondó di bo dor di sigui mantené distansia sufisiente i tene bo mes na reglanan di higiena.

Servisio na públiko
A base di e orario nobo pa Toke de Keda, ta amplia e orario tambe di servisio pa establesimentunan. Solamente establesimentunan di horeca ku no tin un pèrmit di restorant ainda mester sera 8’or. Apesar di e suavisashonnan akí, Señor Rhuggenaath ta pidi pueblo pa ban sigui kuida aun mas, pa poko poko Kòrsou ta riba pia atrobe. Promé minister a kòrda tur hende ku kaminda ta nesesario mester hasi uso di Tapa Boka i mantené distansia físiko i kòrda ku ketu bai e reglanan di higiena ta keda konta.