Back to Top
Responsive image
E korant di pueblo

Snèknan mester sera 7’or i supermerkado i sentronan komersial por sera 8'or


January 12, 2021 • 1 minüt pa lesa

Willemstad,– Otro adaptashon ku a ser trese dilanti pa promé minister Rhuggenaath ayera ta esun pa snèk, bar, cafe i beachbar. Esakinan lo por keda habri segun nan pèrmit ekonómiko te 7’or anochi.

Señor Rhuggenaath a sigui bisa ku den kuadro di medidanan di prevenshon kontra Corona Vírùs, por sirbi klientenan solamente pa medio di “take out”, entrega, of “curbside pickup” òf tambe “drive thru” pa e establesimentunan ku tin e fasilidat aki. E adaptashon aki ta drenta na vigor mañan djarason 13 di yanüari.

Otro lugánan:

Pa loke ta otro establesimentunan mester bisa ku Botika, Pòmp di gasolin, kantornan di number i tur otro establesimentu por keda habri segun nan pèrmit ekonómiko te 10o’or anochi. Tur establesimentu por pèrmití te un máksimo di 50% di nan kapasidat, pero no por surpasá 50 pèrsona. Esaki tambe ta drenta na vigor dia 13 di yanüari.

Tambe promé minister a bisa ku tur tienda, sentronan komersial, supermerkado, minimarket, toko i panaderia por habri segun nan pèrmit ekonómiko te 8’or anochi i tur establesimentunan aki por pèrmití te ku un máksimo di 50% di nan kapasidat, pero no por surpasá 50 persona.

Login