Back to Top
Responsive image
E korant di pueblo

SOAW a kuminsá ku entregá di karchinan temporal pa esnan ku nò ta risibiendo ònderstant


July 7, 2021 • 1 minüt pa lesa

Willemstad – SOAW ta kuminsá entregá e karchinan di banko temporal na klientenan ku no ta risibí ònderstant, ku tabata tin un karchi sosial te na momentu ku Suveco a stòp di aseptá esakinan entrante 19 di yüni 2021.

E siman aki SOAW lo entregá un total di 4000 karchi den 4 dia (mas o ménos 1000 pa dia). Klientenan a risibí un mensahe riba nan telefòn ku informashon tokante e dia ku por pasa buska e karchi na ofisina di Helpdesk di SOAW na Punda. Risibidónan di ònderstant ya kaba a risibí e sosten di alimentashon riba nan karchi di banko di ònderstant.

Meskos ku e plaka di sosten di alimentashon ku a keda pasá riba e karchinan di ònderstant, e karchi di banko ku ta entregá e siman aki ta un solushon temporal i transitorio pa asina SOAW su klientenan no keda sin e sosten di alimentashon.

Den e di dos fase MCB ta preparando karchi di banko pa sosten di alimentashon pa tur kliente ku tabatin un karchi sosial i ta kumpli ku e kriterio pa sigui risibí esaki. E karchi nobo aki lo keda entregá durante ougùstùs 2021 i por wòrdu usá solamente na supermerkado i minimarketnan. SOAW ta urgí tur su klientenan ku a risibí e plaka di sosten di alimentashon pa usa esaki pa lokual nan a risibié: alimentashon.

Login