Willemstad – Entrante luna di aprel Minister di Desaroyo Sosial, Labor i Bienestar, SOAW ta habri su bali di informashon i konseho pa duna un mihó servisio i mas dirigí.

E number pa yama bali di informashon di SOAW ta 724 5333 durante oranan di ofisina. Por yama pa tur tipo di informashon òf pregunta relashoná ku produktonan di SOAW. Aparte di yama, por pasa personal tambe na e bali di informashon di SOAW den edifisio di WTC pa informashon, pregunta òf konseho. No mester traha sita pa bishitá e bali di informashon nobo di SOAW i e servisio ta grátis pa públiko. Ta rekomendabel pa yama un ratu promé ku bishitá, pa tuma informashon di tur dokumentu ku mester trese.
  Empleadonan di SOAW ta kla pa sirbi, duna informashon, sosten i konseho tantu via telefòn 724 5333 òf personal na e bali di informashon den WTC. Di e forma akí SOAW ta mehorá su servisio na benefisio di klientenan i pueblo di Kòrsou en general.