Nieuwe Haven: Un ratu pasá korte di apelashon a dikta sentensia den kaso “El Capo”
E akusado Humbert W. a keda kondená na 48 luna di prizon, Edson S. na 38 luna di prizon mientras e akusado Gerard G. a keda apsolvé di tur kulpa.
Ta trata aki di e kaso kaminda e akusadonan, riba 22 di ougùstùs 2019, lo mester a purba drenta Kòrsou ku 16 kilo di kokaïna skondí den nan boto.
Segun deklarashon di e akusadonan, nan no tabata konsiente ku tabatin droga riba nan boto. Ta otro hende lo mester a pone esakinan riba e boto sin nan sa.
Den korte di promé instansha, e akusadonan, a keda apsolvé di tur kulpa pero korte di apelashon, si a mira e kaso otro.