Konfuso: un presentashon sentralisá di Monte a lanta diskushon den sirkulo di ekspertonan na Kòrsou.  

Punda— E tono bou di kual Caryl Monte a splika parlamento di Kòrsou, ta risibiendo bastante krítika. Dos medio di komunikashon lokal a duna remarke riba e tono, miéntras  ku reporteronan di Vigilante kubriendo e splikashon tambe a nota e “tono” bou di kual e eksperto a splika Parlamento

Den seno di ekspertonan lokal tambe tabatin algun remarke, pero prinsipalmente den Vigilante i despues den Nobo e remarke ku Caryl tabata dirigí su mes manera tabata un “super eksperto” papiando ku un grupo di mucha sinta den reunion di parlamento. Sin duda, tabata un tono ku dòbel intenshon kreando un impreshon sentralista di Monte. Pa lokual ta trata e efektonan makro ekonómiko mes i konsekuenshanan finansiero di pais, Monte a keda sin duna splikashon riba esaki, interpretando kontenido di e Areglo Mutuo.

Den kuadro di e Areglo Mutuo, a tene un reunion den Komishon Sentral unda Caryl Monte a tene un presentashon. Caryl Monte, den un presentashon kombiná na Hulandes i Papiamentu a splika e orígen di e Areglo Mutuo.  En prinsipio pa e parti aki no tabatin nada nobo. E Areglo Mutuo a bini for di COHO tradusí den Pakete di Pais i lokual ta importante tabata e parti di ehekushon. I pa esaki tin un Agènda Ehekutivo ku ta splika e tareanan ku mester bai kumpli pa por trese e reformanan. Esei Monte a splika tambe, pero den un tono kuestionabel manera ku Monte tabata elogiando su mes riba su konosementu.

Manera kalke hurista lo hasi, Monte a duna un parti amplio di su presentashon riba diskushonnan hurídiko riba e Areglo Mutuo.  Riba efektonan makro ekonómiko parlamento a keda mesun leu. Segun Monte, ta trata di un Koperashon Mutuo riba reformashon. E koperashon mester ta en konhunto, segun Monte. “ E la bai den e Areglo, artíkulo pa artíkulo.  E Areglo Mutuo ta splika ku e tareanan ta preskribí den e Pakete di Pais. I den e Pakete di Pais, bo no por mira e grado di invershon, sino esei ta bini dilanti den e Agènda di Ehekushon (Agenda Ehekutivo).

Pa lokual ta trata Ehekushon di e tareanan, esei ta na enkargo di Ministerio pa Asuntunan General.  E Organisashonnan Ehekutivo di un reglamento ku ta deliniá kon ta bai traha ku otro. Mester tin igualdat den lokual e Agenda Ehekutivo ta hasi den Reino. Ta trata di 8 area di atenshon, Kontrol Finansiero, Gastu Efektividat di Sektor Públiko, Impuesto, Sektor Finansiero (Banko Sentral),Ekonomia, Kuido i Salubridat, Enseñansa,  Refuerso di Kadena Hudisial. Segun Caryl Monte, for di e Pakete di Pais, ta dedusí e Agènda Ehekutivo. I miéntras ta  ehekutando ta wak e desaroyo riba e reformashon, prinsipalmente den e entidatnan Estatal.

Monte a splika ku ehekushon di e Areglo Mutuo ta un esfuerso en konhunto. Si na dado momento, no tin un akuerdo riba ehekushon di e Agènda Ehekutivo/Agenda di Ehekushon, ta start un proseso di intermediashon. Mester distinguí  e reportahe di ehekushon for di e agènda di ehekushon. Ta trata di dos aspekto separá. Agenda di Ehekushon ta deliniá e tareanan miéntras e reportahe di ehekushon ta monitoria ehekushon i raporta riba adelanto. Manera ta konosí, for di 2019, Kòrsou i Hulanda a kumbiní ku mester tuma medida pa reforma e isla. Den e Areglo Mutuo, e medidanan ta forma un núkleo di tarea pa kada proyekto i mester tin un reportahe di e adelantonan.

Un otro aspekto  interesante segun Monte ta na momento no tin entendimentu entre e ministernan. Den e kaso ei,  e ministernan mester apuntá un intermediario independiente. E intermediashon ta destiná pa trata na yega na un entendementu.