Back to Top
Vigilante banner image

St Maarten ta súplika enkuesta parlamentario riba Mullet Bay


January 19, 2023 • 3 minüt pa lesa

Apartamento: despues di Luis tabata nesesario pa kuminsá limpia Mullet Bay.

Philipsburg—Djabièrnè gobièrnu di St Maarten ta kuminsá trata e problemátika di Mullet Bay na St. Maarten. Parlamento, djabièrnè 20 di yanüari tin un reunion programa pa forma un komishon ku mester keda enkargá pa inisiá e proseso pa un enkuesta parlamentario.

E komishon ta keda enkargá pa traha riba un diseño pa yega na un enkuesta. Despues ku e diseño finalisá, ta instalá un komishon den parlamento pa ehekutá e enkuesta. Un enkuesta parlamentario ta un investigashon profundo riba e tópiko stratégiko i históriko pa determiná prinsipalmente efektonan den e pais i alabes aklará puntonan di konflikto pa tuma medida riba esakinan.

Mullet Bay ta wòrdu konsiderá e pida tereno mas atraktivo na e St. Maarten. No awor sino for di finalnan di dékada 60 pa 70. Bou di gobièrnu di Claude Wathey i ala demokrat, gobièrnu di St. Maarten a duna derechi di erfpacht na un kompania ku tabata yama Island Gem Enterprises. Island Gem tabata un kompania ku akshonistanan estado unidense manehá bou di Herb Mercer kende tabatin un vishon pa krea unu di e komplehonan turístiko mas grandi den Karibe.

E hotel a haña e nòmber di Mullet Bay Beach Resort i ta keda ubika na kosta sùit di e isla apénas 5 minüt for di aeropuerto i tin e playa mas bunita dje isla. E nòmber di Mullet Bay a bini pasobra miéntras na sùit e proyekto tin e playa na nort e tin un laguna konsiderá un arte di naturalesa, unda e piska “Mullets” (Aldu na papiamentu) tin su habitat natural.

Finalnan di dekada 60 Island Gem Enterprises a kuminsá konstruí Mullet Bay. Ta trata di un tereno di kasi 175 hèktar . Island Gem, a kuminsá konstruí e promé apartamentonan na entrada dje kompleho i tabata unidatnan di 8 apartamentu bou di un dak, pegá na otro den forma di un “H”, kada unu ku nan propio dak. E unidatnan tabata na benta komo “shared ownership”, esta un apartamento por tabatin diferente doño. Aparte di a konstruí e apartamentonan, Island Gem a laga konstruí den Mullet Bay un kancha di gòlf, ku pa su époka tabata esun mas bunita den Ost Karibe.

Ya pa inisio di dékada 70, Mullet Bay a resultá den un éksito. En total e hotel tabatin na 1974, mas ku 600 unidat di apartamento, kada unu ku dos kamber, kushina sala i pòrch, full na erko. Island Gem a konstruí un paraiso na St. Maarten, un isla vírgen den Karibe. E isla no tabatin kaminda di asfalt, sino solamente den áreanan rondó di Philipsburg. Mullet Bay tabata ubika den Low Lands, i pa yega stat, turista tabata kore riba kaminda di tera pa kasi 25 minüt.

E kompleho na 1976 tabata konsistí di, 1 kasino, 1 playa, 1 shopping mall, 7 restorant, 2 pisina grandi, 1 supermerkado, 1 fábrika di utilidat (e hotel tabata produsí su propio awa i koriente), un kompleho di estadia pa empleadonan ku no tabatin un kas, un restorant pa empleadonan por kome 3 biaha pa dia in kancha di gòlf di 18 buraku. Pa por a transportá e turistanan den e 700.000 meter kuadrá tabatin 8 vèn bus ta sirkulá 24 ora pa dia.

Mullet Bay tabata un hoya den Karibe. E hotel a floresé i bira un ikono den Karibe unda despues Puerto Riko, Repúblika Dominikana, Jamaica a kopia e konsepto i bira eksitoso. E proyekto pa mas ku 30 aña tabata e kompania mas empleá na St. Maarten despues di gobièrnu. Aparte di a sirbi komo un ehèmpel den Karibe, Mullet Bay su balor tabata asina grandi ku desaroyonan a kuminsá kumpra tur tereno banda di e kompleho. Prinsipalmente e italianonan tabatin interes, grupo Chelini, Grupo Spadarro, grupo Erato i finalmente grupo Corallo.

Den inisio di dekada 90, e invershonista iraní estado unidense a kumpra, Hushang Ansary, a kumpra Mullet Bay. Na 1995, desaster a drenta. Orkan Luis. Luis a destruí tur kos ku tabatin konstruí riba Mullet Bay, tur kos. Mas ku 600 kamber, tur restorant, tur shopping mall, kasino, restorantnan. Despues di e orkan no tabata posibel mas pa rekonstruí e hotel. Ansary a bin konfrontá mas ku 20 aña di bataya sivil entre seguro i doñonan di e apartamento. A pone beslag ront kurpa di Mullet Bay. Durante e periodo di bataya, tabata Clarence Derby kende a manehá e kompleho pa Ansary. Derby a yega an 1973 St. Maarten, komo un vigilante i krese bira direktor dje kompleho unda e la kordiná konstrukshon di The Towers, kual tambe a forma parti di Mullet Bay. Towers a keda te ainda e úniko, konstrukshon di kamber riba e tereno ku ta pa 98% desokupá.

Ku un enkuesta parlamentario, gobièrnu di St. Maarten ta bai buska un pasashi pa kleim bek su tereno. Na 2019, ya kaba e hóben parlamentario a sugerí pa instituí un enkuesta. Su plan no a sigui i djabièrnè awor ta bolbe inisiá e proseso.

Isolá: apartamentonan ku tabata perkurá pa 1800 empleo na St. Maarten e keda isolá i bandoná.
Login