Back to Top
Vigilante banner image

Steven Martina: MAN lo hiba un oposishon konstruktivo i positivo


May 20, 2021 • 1 minüt pa lesa

Señor Martina ta pidi pa promé minister demishonario kon e proseso ta kanalisá pa habri di forma responsabel.

Willemstad,– “Partido MAN ke hiba un oposishon konstruktivo i positivo i no pa loko lo bai vota kontra kualkier moshon”, asina e minister di ekonomia  demishonario, Steven Martina a bisa den e promé reunion públiko.

El a bisa ku nan kier hiba diskushonnan na nivel i purba yega na sierto moshonnan kaminda MAN por duna gobièrnu su direkshon di loke tin skibi den kualkier moshon. Señora Martina ta bisa ku MAN tambe ta kere ku e promé moshon di parlamento tin sierto kosnan bon den den dje, manera ta bisa ku ta urgí gobièrnu pa habri Kòrsou di forma responsabel. E ta bisa ku esaki ta algu masha masha bon mes.

Señor Martina ta pidi pa promé minister demishonario kon e proseso ta kanalisá pa habri di forma responsabel. Tambe ta papia di kontròl mas estrikto na aeropuerto pa ta mas responsabel. E ta bisa ku awor aki bo mester hasi un antigeen tèst despues i tres dia, pero den e sektor hotelero nan no kier esaki paso nan ta bisa ku e ta hiba Kòrsou den desbentaha pa loke ta turismo.

Login