Nan tei: segun Steven Martina, eks minister di Ekonomia, e plannan pa un Fondo di Garantia tei ainda.

Parera–  Invest Curaçao, ta òf tabata un proyekto pa duna sosten na sektor komersial na Kòrsou ku e.o. un Fondo di Garantia. E plan no a konkretisá, pero segun Steven Martina, e ta sigui den tapara. Esei e la deklara durante un seshon di Podcast na Vigilante.

Na 2020 a keda anunsia ku funshonarionan di Invest NL mester tabata e ekspertonan pa  duna konseho kon pa hasi meskos na Kòrsou, mediante Invest Curacao. Invest Curaçao, lo a bira e banko unda mayoria fondo prosedente di benta di propiedatnan i kompanianan anónimo di Kòrsou lo keda ubika. Knops i Hulanda a eksihí di Kòrsou pa depositá sigur 60 mion florin fo’i benta di UTS riba kuentanan di Invest Curacao, via di Curaçao Development Institute ku tampoko no a lanta fo’i pia.

 Tambe Hulanda a pone na disposishon un suma di 180 mion pa finansiá proyektonan ekonómiko miéntras ta pendiente benta di 34% adishonal den haf di Kòrsou, kual segun e Gobièrnu e tempu ei di PAR,  tambe lo subi kuenta di Invest Curaçao. Segun e akuerdo ku Knops i Gobièrnu a firma, tur benta di propiedatnan di gobièrnu mester bai den servisio di kapital.