Stijn Franken na Kòrsou

Nieuwe Haven— Popular abogado penal na Hulanda i dosente na Universidat di Utrecht, prof mr. Stijn Jansen ta urgi pa introdusí papiamentu den “hustisia” na Kòrsou.

Segun e eksperto den leinan penal. Miéntras na Kòrsou tratamentunan di kaso sigui na hulandes, e ta stroba e proseso pa huzga ophetivo. Ademas tambe i difikultá e búskeda na bèrdat durante tratamentu. Jansen, kende a bini Kòrsou diferente biaha pa tratamentu di kasonan grandi, a mustra su prekupashon den su buki “Laatste Man”. E ta dediká un sekshon spesial na e problemátika di hulandes kontra di papiamentu, durante tratamentunan den korte.

Na Kòrsou e problema di papiamentu den abogasia ta sigui un problema. Studiantenan hurista ku finalisá universidat di Kòrsou i ántes UNA, no tin chèns pa bira abogado. Esaki debí ku bufetenen ku sosionan hulandes oropeo ta duna stazjèrnan di Hulanda preferensha di kore stazje.  E problema ku ta eksistente i “tabú” pa hopi aña ta eskalando. Un kantidat di hurista ku a kaba di studia ta dunando nan reakshon despues ku Sulvaran i Peterson a duna na disertashon den Parlamento. Yunan di Kòrsou, nobato hurista no ta hañando oportunidat pa kore stazje pa bira abogado i mester buska nan karera komo hurista sea na Gobièrnu òf den kompainan priva. Un otro opshon ta asosiá na e sistema di abogadonan Pro Deo, ku poko poko ta birando mas grandi.

Hopi hurista hóben ku prosperidat pa bira abogado ta pasando den un proseso di bèrgwensa i deskriminashon na momento nan bai buska asiento pa kore stazje na un bufete lokal. Mayoria bufete ta ninga nan i preferá na duna stazjèrnan studiá na Hulanda i ku por papia e idioma hulandes mihó. Pa imponé un restrikshon riba esaki i trata na protehá e yunan di Kòrsou ku studia lei na Kòrsou, ta tratando na obligá e stazjèrnan hulandes of abogadonan hulandes ku solisitá a na Kòrsou pa pasa kursonan di papiamentu,

Segun Peppie Sulvaran, hasta stazjèrnan ulandes oropeo ta mihó oportunidat di trabou kompará ku e hurista YDK. Esaki ta e realidat di e mundu di abogasia riba e lugá aki. Segun Sulvaran, diferente di e parlamentarionan den sala lo ta bisa ku “ata abo ku Chester ta drai bon”. Esei ta pasobra nan tabatin suèltu, segun Sulvaran.  E situashon aki no ta perhudiká solamente tur ku ke bira abogado den nan mes pais, pero tambe e yu di tera, no por haña e asesoramentu legal mas optimal, pa e simpel motibu ku dominio di papiamentu ta esensial pa por asesorá optimalmente un gran parti di nos pueblo.