Back to Top
Responsive image
E korant di pueblo

Su situashon ta grave:Outo ta alkansá dama ku a bai krusa kaya sin paga tinu


February 8, 2021 • 1 minüt pa lesa

Presidente Romulo Bethancourt Boulevard unda e aksidente a tuma lugá.

Willemstad—- Polis di tráfiko huntu ku Forensys ta investigando un aksidente unda un vehíkulo mester a alkansá un dama riba e kaminda ku ta kondusí pa Brùg Juliana nèt na altura di Seru di Ararat.

E vehíkulo ku tabata envolví den e aksidente.

 Ayera den oranan di atardi a pidi ambulans ku urgensia riba Presidente Romulo Betancourt Boulevard nèt na altura di Seru di Ararat den direkshon di Brùg Juliana pa un aksidente den kual un dama peaton  a sufri leshon basta serio. For di in investigashon preliminar realisá na e sitio a resultá ku e dama víktima a bai krusa sin tuma nota ku un vehíkulo tabata aserkando. E shofùr di e vehíkulo a lastra brek pa evitá e choke pero tòg a alkansá e dama pone ku e la bai kai na un distansha gravemente herida. E dama víktima a sufri leshon kompliká na un di su man i a haña basta sla rònt su kurpa prinsipalmente na su kara. Ku urgensia a transportá e víktima pa CMC miéntras a pidi presensia di Polis di tráfiko pa asina por a hasi e demas investigashon. Pa mas detaye subi nos facebook vigilantekorsou via di e link aki: https://fb.watch/3xinuTzgj3/

Yudando e dama víktima ku a sufri basta sla.
Marka di brek ku a keda tras riba kaminda i tambe e slòf di e dama víktima.
Login