Back to Top
Vigilante banner image

Sùr na Italia detené pa agreshonnan brutal kontra menornan di edat


November 16, 2022 • 1 minüt pa lesa

Diferente di e sùrnan ta sospechá di maltrato kontra e menornan di edat den e internat.

ITALIA – Outoridatnan italiano a detené un sùr paso e tabata maltratá muchanan di e internat ku e tabata dirigí di forma sumamente brutal. Esaki miéntras ku tin otro 3 sùr mas ku tambe ta keda investigá, danki ku un di e menornan di edat a logra graba nan i hasi un denunsia.

E fiskalia di Nápoles, a ordená pa intervení e instituto religioso Santa Maria della Providenza di e munisipio di Casamiccia Terme, na e isla di Ischia. Aki ta unda e menornan ta warda pa nan keda adoptá.

E investigashon a inisiá despues di risibí un grabashon di un menor di edat, den kua por mira un di e sùrnan, pasando un mucha di 4 aña un wanta, rankando su kabei ku forsa i agrediendo esaki su tuman, di 8 aña ku tabata intentá di difend’é.

E fiskalnan ta sospechá e sùrnan, entre nan e kabesante, di delitunan manera maltrato di menor, leshon i violensia.

Login