A destruí e bentana pa asina por a drenta den e vehíkulo.
Willemstad— Polis mester a bai Sittardstraat pa un vehíkulo prosedente di ladronisia ku a ser laga atras despues di a hasi uso di esaki.
Polis ku a bai na e sitio a bin topa ku un SUV kolo pretu di e marka Hyundai Tucson di kual un di e glasnan tabata kibra para den Sittardstraat. For di investigashon realisá a bin resultá ku e vehíkulo aki un dia promé esta djabièrnè a keda hòrtá for di e lugá pa stashoná outo na Mambo. Despues di a hasi uso di e vehíkulo a bai laga esaki atras den Sittardstraat. Polis a laga konfiská e vehíkulo bai warda kuné miéntras a pone e doño na altura ku a haña su vehíkulo ku a ser hòrtá.
Pa mas detaye subi e link aki https://fb.watch/3xhHPuwv2g/