Back to Top
Vigilante banner image

Ta konfirmá ku hungadónan kier lanta un sindikato


January 11, 2025 • 1 minüt pa lesa

Pipi Constancia: E la konfirmá loke a sali 2 siman pasá den Deporte Vigilante. Hungadónan kier lanta un tipo di sindikato.  

WILLEMSTAD—Komo 2 siman pasa Deporte Vigilante a los e informashon ku hungadónan di futbòl lokal kier lanta un tipo di sindikato. Ta asina ku hopi dje hungadónan ta fada pa lokual ku ta pasando den nos futbòl.

E konosido dirigente di futbòl Pipi Constancia a konfirmá na Deporte Vigilante ku debidamente e hungadónan kier lanta un tipo di sindikato/komishon pa nan sali nan propio interes. Den kombersashon hiba ku Pipi Constancia e la hasta menshoná nòmber di esun ku e hungadónan tin intenshon di aserka pa yuda nan ku hinter e asuntu aki. E hungadónan ta sinti ku ta perhudiká nan i ku a yega ora pa laga tende di nan tambe, segun e informashonnan ku a yega na despacho di Deporte Vigilante.

Login