Back to Top
Vigilante banner image

Tadej Pogacar ta gana e etapa 5 di 'Tour de France'


June 30, 2021 • 1 minüt pa lesa

LAVAL ESPACE MAYENNE – Tadej Pogacar, di e ekipo UAE Team Emirates, ayera a bai ku e viktoria den e di 5 etapa di e ‘Tour de France’ ku tabata un kareda kontra oloshi dui 27b kilometer ku a sali di Changé i finalisá na Laval Espace Mayenne.

Tadej Pogacar a bai ku e viktoria registrando un tempu di 32 minüt, miéntras ku Stefan Küng di e ekipo Groupama-FDJ a registrá un tempu di 32 minüt ku 19 sekònde na di dos lugá i na di tres lugá a keda e siklista Jonas Vingegaard di e ekipo Jumbo – Visma ku un tempu di 32 minüt ku 27 sekònde.

Despues di e resultadonan di ayera, sorprendentemente e hulandes Mathieu van der Poel, ku a finalisá na di sinku lugá den e kareda kontra oloshi di ayera ku un tempu di 32 minüt ku 31 sekònde, ta mantené e flanè hel komo e lider general.

Mathieu van der Poel ta keda mantené un bentaha di 8 sekònde riba e siklista Tadej Pogacar. Awe e ‘Tour de France’ ta kontinuá ku su di 6 etapa ku ta inisiá na Tours i lo finalisá na Châteauroux, konsistiendo di un rekorido di 160,6 kilometer.

Login