WILLEMSTAD,—-Vigilante Farándula a haña informashon ku e organisashon forma pa algun músiko, Dj, bailadores i tambe algun kómiko ku ta karga di number “U.D.A.” tin hopi interes di sinta na mesa ku A.M.A.K. ku ta e úniko organisashon ku ta rekonosé pa Gobièrnu di Kòrsou den su totalidat.

Pero Vigilante Farándula a keda pone na altura ku A.M.A.K. tin su punto nan ta di kon nan no ta interesá pa sinta ku e organisashon ariba menshoná. Vigilante Farándula a komprendé ku “Tanten ku tin insulto na dirigente nan di A.M.A.K., nan no ta mira e base pa nan sinta na mesa ku “U.D.A.”.

Vigilante Farándula a komprendé serka di un fuente ku, den e grupo di “U.D.A.” nan tin un App Group, i den esaki tin algun miembro di e organisashon menshoná ku ta insultá tantu presidente di A.M.A.K.  ku ta señor Manfred “Feko” Gomes, pero tambe miembro nan di A.M.A.K. i esaki sigur ta loke ku ningun hende ku ta forma parti di A.M.A.K. no ta nada kontentu kuné. Hopi hende sigur no ta na altura kon serio i peligroso e asuntu di App Group, esaki por trese hopi hende den problema na momentu ku nan ta papia kos den e App Group, keriendo ku esaki ta keda den e App Group so, esaki no ta e kaso, paso mané un persona bisa algu den App Group, mes ora otro hendenan ku no ta den e App Group ta haña esaki den nan telefon, esaki ta loke ku ta pasando aktualmente den e organisashon di “U.N.D.”

Vigilante Farándula a drenta den kontakto ku Feko Gomes na diferente okashon, pero sin resultado deseá. Mas aleu Vigilante Farándula a komprendé for di un fuente ku, por lo pronto A.M.A.K. no tin interes pa bai sinta ku “U.D.A.”, tambe tin informashon ku Gibi Doran ta esun ku ke bai lobi ku A.M.A.K. pa asina trata na kombensé nan pa sinta ku “U.D.A.”, esaki tambe a sali for di e App Group di “U.D.A.”, te ku e informashon a yega serka A.M.A.K i ku ya A.M.A.K. tin un kontesta pone kla pa Gibi Doran na momentu ku e aserka nan. Vigilante Farándula sigur ta bai sigui e moveshon aki ku wowonan di falki.