Back to Top
Responsive image
E korant di pueblo

Tata venezolano ku tabata bende imágennan seksual di su beibi riba internèt detené


May 21, 2021 • 1 minüt pa lesa

E menor di edat a keda den man di outoridatnan di e pais.

LIMA – Un operashon internashonal kordiná pa Interpol a permití ku outoridatnan peruano por a detené in pareha ku tabata komersialisá fotonan ku kontenido seksual di nan beibi di apénas dos luna di bida. Esaki por a keda reskatá i a keda poné bou di protekshon di outoridatnan.

E nota ta splika ku na inisio di luna di aprel, algun investigadó spesialisá di Canada i Oustralia a kontaktá ku e sede di Interpol despues di detektá ku un usuario tabata kompartí imágennan di un beibi ku tabata evidensiá abusunan seksual riba un página di internèt. Esaki a kambio di plaka.

E investigashonnan a permití establesé ku e sospechoso tabata aktivo pa yamadanan “Darknet” for di aña 2014 i ku resientemente el a buska informashon relashoná ku tráfiko di muchanan i di órgano.

Siguiente e pistanan, a sa di bin lokalisá esaki na Perú, unda e unidat di krímen kontra mucha i e agensia polisial internashonal a kordiná ku outoridatnan di e pais. Esaki a hiba na organisá un detenshon den esaki nan su bibienda.

Tantu e tata, un venezolano di 23 aña i e mama, un peruano di 22 aña, ta enfrentá akusashonnan pa krea un material ku ta ilustrá abusu seksual kontra e menor di edat.

Login