Back to Top
Vigilante banner image

Tékniko ‘Ziño’ Constansia: “Ta un honor pa mi por dirigí selekshon pa promé biaha”


November 16, 2022 • 1 minüt pa lesa

Tékniko di nos selekshon nashonal di futbòl ‘Ziño’ Constansia.

WILLEMSTAD—“Ta un honor pa mi por dirigí selekshon senior, huntu ku Lennox Mauris, pa promé biaha. Mi a dirigí selekshonnan hubenil pero awor ta pará dilanti nos selekshon grandi.

Nos tabatin 2 siman pa prepará i a skohe prinsipalmente e hungadónan ku tabata mas aktivo últimamente i trainingnan ta bai bon. E kuerpo tékniko ta konta tambe ku Pablo ku ta train e kipernan i Dean Gorre, tekniko di nos federashon, ku ta kordiná, miéntras ku e kuerpo médiko tin Dr. Fillet huntu ku Robert Duncan i Clinton Leocadia”, ‘Ziño’ kende alabes ta asistente di tékniko Remko Bicentini den nos selekshon nashonal i tambe anteriormente futbolista, kende tabata parti di diferente selekshon di Kòrsou, a deklará. Esaki ayera tardi, na momentu ku el a introdusí su mes den e konferensha di prensa i mesora duna un splikashon kòrtiku pa ku nos selekshon preparando pa Kopa ABCS 2022.

Dean Gorre ayera den sala durante di e rueda pa prensa.

Login