Rei Willem Alexander.

AMSTERDAM/WILLEMSTAD – Su Mahestat Rei Willem-Alexander i su Mahestat Reina Máxima e siman akí a papia ku representantenan di e ámbito sosial i sientífiko tokante pasado kolonial.

E kòmbersashon a tuma lugá den Paleis Huis ten Bosch. Meskos ku durante e dos kòmbersashonnan anterior riba 31 di mei i 27 di sèptèmber aña pasá, a papia tokante e impakto dje pasado kolonial i di sklabitut, i e forma den kua komunidat por traha huntu riba rekuperashon i rekonsiliashon. E terser reunion a tuma lugá ku un grupo nobo di representante.