Robin Martina
Rooseveltweg—E tolda kombiná di MAN/PIN, ta wardando riba un kontesta definitivo di Steven Martina riba su partisipashon na elekshon 2025.
Manera publiká den Vigilante, e eks lider di MAN i minister pa e tolda blou, aktual miembro di parlamento, ta na duda pa siguiente elekshon. Lider di e kombinashon MAN/PIN, Giselle Mc William tampoko no por e konfirmá e informashon, alegando ku “ainda e lista di kandidato no ta kla”. Integrantenan di MAN ta tratando na kombensé Steven di tòg partisipá, mirando ku netamente e fundadó di e partido, Don Martina resientemente a fayesé.
Fuentenan den seno di e partido a señalá na Vigilante ku si Steven opta pa no partisipá, MAN lo aserka ruman di Steven, Robin Martina. Si resultá, esaki lo ta promé biaha Robin lo subi un lista a-polítiko. Robin Martina lo ta un empuhe serio pa MAN, mirando su ekspertisio den e problemátika di OB agregá, lokual ta unu di e liñanan di kampana presentá pa MAN