Pastor Carlos huntu ku Sra. Cherine Koeiman.
Granaatappelweg—Total Care Institute na e momentu nan aki ta un krèsh i un naschoolse opvang, esaki ta situá den e bario di Dominguito.
E instituto aki a bin ku e idea pa hasi un bunita gesto pa persona nan di ménos rekurso. Vigilante a hiba un kombersashon ku sr. Cherine Koeiman kende ta direktor di e instituto i e la duna di konosé ku for di luna di Novèmber nan ta bezig ku esaki.
I na luna di Novèmber na lema tabata “Gratitut” i abase di esaki nan a bin ku e idea di por kolekta komestibel pa esnan di ménos rekurso. Sra. Cherine a bisa ku nan a pidi mayornan di e mucha nan pa por yuda kolekta komestibel mirando ku tabata Novèmber i un bes nan lo a drenta luna di Desèmber.
E mayornan tabata por a hasi entrega for di Novèmber te ku e di dos siman di Desèmber ya asina por a entrega nan na Pastor Carlos. A entrega tur loke a keda rekoudá na Pastor. Pastor Carlos i tambe e organisashon San Vicente de Paul tabata esun nan enkargá pa hasi e entrega di komestibel nan. Sra. Cherine ke yama danki na kada un di e mayornan ku a koperá ku e bunita gesto aki. I tambe si tin un hende ku ta interesá pa yama por bèl e libremente na 5123160.