Aktualmente ta trahando pa drecha mayoria lus di tráfiko.

Willemstad – Minister Charles Cooper huntu ku Servisio pa Obra Públiko ta anunsiá ku trabounan a kuminsá pa drecha diferente lus di tráfiko.

Manera ya s duna di konosé, trabounan pa drecha lusnan di tráfiko ta bai kuminsá. Djasabra a traha pa pone e lusnan den Saliña na e  krusada Dr. Maalweg i Caracasbaaiweg bèk den funshon. Riba djadumingu, a logra drecha e problema ku tabatin ku e lusnan di tráfiko na Ser’í Dòmi. Esaki danki na esfuersonan di e téknikonan di e kontratista DCG Services. Pa djaluna a drecha e lusnan na altura di Winston Churchillweg.

Den e siman aki lo sigui traha riba vários lus mas. Loke ta keda pendiente pa 2022 ta e lusnan na altura di Radio Hoyer i Waaigat. Dor ku pa esaki mester di kashi nobo. E petishon a keda hasí, pero solamente ta wardando riba e kashi nobonan ku ta planiá pa yega na fin di Yanüari 2022. Minister Cooper huntu ku OW ta pidi tur hende pa kore ku koutela.