Situashon di un di e víktimanan ta di gravedat.

CIUDAD DE MEXICO – E turistanan di 29, 22 i 23 aña di edat tabata konbibiendo ku e atakante, kende no ta originalmente di Chacahua, ora a inisiá ku un diskushon ku a terminá den un agreshon.

Medionan di komunikashon mehikano i esun nan ku tabata presente, a intentá di separá e hòmbernan pero e hòmber di tur forma a logra heridá nan na kabes, man i brasa.

Otro medionan di komunikashon a informá ku e mama di un di e hóben nan a deklará ku nan a keda ataká tras di lomba.

E abitantenan di e lugá a trasladá esun nan heridá den un lancha te na e pueblo di El Zapotalitp, unda outoridatnan a presentá i trasladá nan pa sentro nan médiko na Puerto Escondido pa risibí atenshon médiko.

Un di esaki nan, kende nan a risibí e machetaso den kabes, ta den un situashon grave.

Segun e gobièrnu munisipal di Villa de Tututepec i e komunidat di Chacahua Isla, e agresor ta un hòmber hóben di Guerrero i kende a yega na e sitio buskando trabou.

E hóben nan argentino a yega dos dia promé di e suseso pa tuma un vakashon, pues nan no tabata konosé hende na e sitio, un pueblo chikí unda turistanan nashonal i internashonal ta akudí pa disfrutá di playa.