Den luna di yüni TUI a papia tokante di ampliamentu ku 24 kolega nobo ku lo ta riba kada un di e 13 vuelonan semanal kaminda nan lo bula semper dos huntu.

Willemstad,– Kuminsando e siman aki e kompania di aviashon Tui lo tin 18 flight attendants nobo ku ta papia papiamentu. Nan lo kuminsá traha mesora, despues ku nan a kaba e opleiding ku éksito i a haña nan diploma siman pasá djabièrnè.

E steward i stewardessnan aki lo ser pone spesífikamente riba e ruta entre Kòrsou i Amsterdam. Tui a bisa ku konsientemente nan a skohe pa amplia nan tim ku nos hendenan lokal, paso nan ta duna servisio i por papia i komuniká mas fásil ku e pasaheronan abordo den idioma.

Den luna di Yüni TUI a papia tokante di ampliamentu ku 24 kolega nobo ku lo ta riba kada un di e 13 vuelonan semanal kaminda nan lo bula semper dos huntu.

E motibu dikon seis a kai afó no ta konosí. Ku 24 kolega nobo Tui lo tabatin 185 trahadó na Kòrsou, repartí den e ofisina prinsipal, personal di kabina i esnan ku ta traha den kantornan di Tui.