Back to Top
Responsive image
E korant di pueblo

Tur kliko yená pa basta dia na Koredor


March 10, 2021 • 1 minüt pa lesa

Mester bisa si ku tin hende ta bin ku nan shushi di kas bin benta nan einan.

Koredor —- Personanan ku ta rekreá tur dia na Koredor ta pidi pa Selikor pasa i  hasi e klikonan  bashí.

  Personanan  ku tur dia ta kana na Koredor a bin ta tuma nota ku ya  pa mas o ménos 2 siman tin vários di e  kliko yená sin ku e kompania di limpiesa a pasa i hasi esakinan bashí. Mirando e mahos bista i tambe e kantidat di muskita ku ta keda bula diariamente den serkania di e klikonan, un súplika ta bai na e kompania di limpiesa esta Selikor pa pasa i rekohé e shushinan mas lihé posibel . Por tuma nota ku e Klikonan ta asta dimas yena ku shushi i a trata di wanta e tapa ku piedra pa evitá ku mas shushi por sali kai. Sigur esaki ta un mahos bista den e área di Koredor unda ku tur dia tin tantu personanan lokal i te asta turistanan ta rekreá tur dia i ta bishita un di e vários restorant nan kantu di laman.

Login