Back to Top
Responsive image
E korant di pueblo

Tur residente ku a bakuná por drenta i sali for di Aruba Boneiru òf Kòrsou sin hasi tèst


June 5, 2021 • 1 minüt pa lesa

Willemstad,– Señor Eugene Rhuggenaath a splika ayera ku pa loke ta entrada na Kòrsou entrante ayera 4 di yüni, tur residente ku tin ku bai òf bini for di Aruba òf Boneiru i tin mas ku dos siman kaba ku a bakuná i tin e buki di bakuna, no mester hasi PCR tèst i tampoko e tèst antigen.

Tur residente ku tin mas ku dos siman ful bakuná i tin su buki, mester mustra outoridatnan konserní na aeropuerto pues duana.

Pa esnan ku no a bakuna òf no ta deseá di bakuná, promé minister demishonario a splika ku e personanan aki si mester pasa tantu e tèst di PCR i esun antigen despues di tres dia ku e yega Kòrsou.

E ta splika ku esaki ta palabrashonnan hasi entre e tres islanan, pues un biaha mas, esaki ta a base di akuerdonan entre Aruba, Kòrsou i Boneiru.

Login