Oranjestad,– Miéntras ku na Kòrsou práktikamente ainda no ta hañando turista, Na Aruba den luna di aprel nan mira un kresementu di 20% kompará ku luna di mart e aña aki.
Pa ta mas spesífiko a risibí un total di 58.774 turista den luna di aprel, despues ku a habri frontera aña pasa yüli pa diferente merkado turístiko. Si mira yüli te ku aprel di e aña aki, inkluyendo resultado di aprel, por konkluí ku a risibí un total di 310 mil bishitante e re apertura di frontera aya na Aruba.
Tambe nan sa na Aruba ku e kasonan positivo di COVID bou di nan bishitantenan a keda relativamente hopi abou for di despues ku a habri frontera pa turismo na Aruba.
Pa informá di esaki, ATA resientemente a lansa un enkuesta bou di turistanan kual ta pone ku nan lo por haña un mihó bista di e grado di vakunashon bou di e turistanan.