Kaminda pa bai Bullenbaai na unda e aksidente a tuma lugá.

Willemstad—  Polis i tambe ambulans mester a bai riba e kaminda ku ta kondusí pa Bullenbaai pa un hòmber drumi riba kaminda despues ku e la aksidenta ku un quad.

A bin resultá ku e víktima tabata manehando e quad riba e kaminda di Bullenbaai i na dado momento a bin pèrdè kontròl riba esaki. E quad a kuminsá kore den skual bai dal violentamente kontra di e pipanan ku tin kantu di kaminda. E choke tabata asina violento ku asta un wil di e quad mester a kibra. E hòmber ku tabata manehá e quad a sufri basta leshon i a keda transportá ku ambulans pa CMC.