Back to Top
Responsive image
E korant di pueblo

Último yamada pa e ‘COLD CASE’ (2012) enkuantu morto di Raiza Scoop


May 21, 2021 • 1 minüt pa lesa

Willemstad—Na aña 2020 polis i Ministerio Públiko a bolbe habri un asina yamá “cold case” enkuantu morto di Rayziënne (Raiza) Scoop. E tempu ei, na aña 2020 a hasi un petishon pa yudansa na pueblo di Kòrsou i a ofresé un rekompensa di Naf. 10.000,- pa e tep òf tepnan di oro ku lo hiba na solushon di e kaso

Entretantu a hasi algun paso eksitoso den e investigashon. Na e momento aki, Ministerio Públiko ta pone un rekompensa di 5.000,- florin disponibel pa esun ku riba un término kòrtiku mèldu na polis ku informashon krusial kual por sera e investigashon i solushoná e kaso definitivamente. E kaso en kuestion ta referí na e morto di un mucha muhé di 19 aña yamá Rayziënne (Raiza) Scoop. Den e mardugá di 31 di desèmber 2011 pa 1 di yanüari 2012, el a sali kas i tabata pèrdí pa un tempu largu. Riba 19 di mart 2012 a haña su kurpa sin bida den mondi di Playa Canoa. E habri e kaso bèk mirando e gravedat di esaki, e edat hóben di e víktima i e presuntu forma kruel ku a asesiná e damita. Polis i Ministerio Públiko ta determiná pa trese klaridat den e kaso aki. E último petishon ta bai na personanan ku tin informashon tokante e desaparishon i/òf morto di Raiza Scoop, kaminda kalke detaye ta bonbiní, pa tuma kontakto mas pronto ku ta posibel ku polis riba e number di telefòn: 108. Lo trata tur tèp risibí via di e number di telefòn aki di forma anónimo i konfidensial.

Login