Willemstad- Union Oropeo ta tuma nota di dokumentonan di COHO ku a ser entregá pa Parlamentario Michelangelo Martines i ta duna reakshon riba esaki.
Union Oropeo ta splika ku nan relashon ku e paisnan ku ta miembro di e union ta ligá i goberná dor di e komishon di desishon di Union Oropeo. Segun palabrashonnan e partnernan den e asosashon ta rekonosé otro su derechi pa determiná desaroyo di pólisanan i prioridatnan i pa adaptá òf trese amienda debidamente na leinan relevante. tambe pa modifiká pólisanan.
Mas aleu Union Oropeo ta splika ku COHO ta un asuntu soberano i interno entre e Reino di Hulanda i e islanan ku esaki ta konsistí di dje. E komishon Oropeo no ta kompetente pa intervení den asuntunan interno i pa e motibu aki no por forma parti di e proseso legal ku ta andando. Union Oropeo a indiká di sigui e desaroyonan riba e diskushon i proseso legal di COHO ku interes.