Back to Top
Vigilante banner image

Union Oropeo ta keha práktikanan di komersio ilegal chines riba tereno di teknologia


January 20, 2025 • 1 minüt pa lesa

EINDHOVEN– China lo no ta respetá patentnan di kompanianan di teknologia avansá i nan mes ta determiná e preis di komishon.

Union Oropeo a hiba e keho aki na e organo di areglo di disputa di Organisashon Mundial di Komersio (WTO). E relashon komersial entre Union Oropeo i China ta bou di hopi tenshon. Union Oropeo kier pa China kaba ku práktikanan di komersio inhustu i ilegal riba tereno di propiedat intelektual, òf patènt. Esaki ta menasa di oumentá mas ainda e tenshonnan entre Oropa i China. E kaso na WTO ta drai rònt di patènt ku ta protehá teknologianan esensial pa produkshon di merkansia ku ta kumpli ku un norma, manera 5G pa telefonnan selular. Kompanianan Oropeo tin hopi di e patèntenan di teknologia haltu aki, partikularmente den e sektor di telekomunikashon, ku ta duna nan un bentaha teknológiko. Segun Union Oropeo, China ta permitiendo kortenan chines pa determiná kuantu kompensashon e doño di un patent ta risibi pa su uzo. Nan no ta pidi pèrmit di e doño di e patent. Komo resultado, kompanianan di teknologia Oropeo ta bou di preshon pa baha nan tarifanan globalmente. Esaki ta duna fabrikantenan chines akseso inhustu i barata na teknologianan Oropeo. Union Oropeo ta konsiderá ku práktikanan asina ta kontralí na e Akuerdo di WTO riba Derechonan di Propiedat Intelektual. Union Oropeo a oumentá impuestonan riba outonan eléktriko chines na 2024. Tambe tin investigashonnan chines den e industria di lechi Oropeo i e komersio di bibida stèrki. Union Oropeo tambe a bai WTO na novèmber, pasobra China tabata ke restringí e importashon di brandy.

Login