Back to Top
Responsive image
E korant di pueblo

Update: ahustenan anunsiá durante Relato di dia


May 31, 2021 • 2 minüt pa lesa

Awe durante e relato di dia, Promé Minister demishonario Eugene Rhuggenaath a anunsiá e siguiente ahustenan:

Toke de Keda

Entrante 2 di jüni 2021, Toke de Keda ta bira entre 1’or di marduga pa 4.30 di mainta. 

Servisio na públiko

Restorant, tienda, pakus, kasino, supermerkado i otro establesimentu ku ta duna servisio por hasi esaki segun e orario indiká den nan pèrmit ekonómiko pero no mas lat ku 1 ora promé ku Toke de Keda. 

Wegnan di Bon Kuné i Bingo

Entrante djárason 2 di jüni 2021, por organisa weganan di Bon Kuné i Bingo atrobe. 

Restorant

Tur restorant por sirbi te ku un máksimo di 50% di su kapasidat. Ta kita limitashon pa kantidat di persona ku por sinta kome huntu. Tur otro protokol ta keda vigente.

Trùk di pan

Por ofresé servisio entre 8’or di anochi pa 12’or di anochi

Aglomerashon i bishita na kas

Den lugánan públiko ta permití gruponan te ku 25. Bishita na kas tambe por tuma lugá te na un máksimo di 25 persona basta por risibí bishita den airu liber. No ta permití fiesta i aktividatnan ku músika duru.

Pakus

Ta anulá limite di personanan permití den e establesimentu. Tur otro protokol ta keda vigente.

Botonan

Entrante 2 di jüni 2021, por organisá eventonan a bordo te ku máksimo 50% di e kapasidat total. Mester tene kuenta ku sufisiente distansha físiko i tur medida di higiena ta keda vigente. 

Biahe

Residentenan ku mas ku dos siman kompletamente bakuná por biaha sin un prueba di PCR tèst. Ta keda nesesario pa kumpli ku e medida di antigeen tèst. 

Tambe Promé Minister demishonario Eugenne Rhuggenaath a anunsiá ku personanan kompletamente bakuná no tin mester di hasi ningun tèst pa biaha pa islanan ABC. Esaki ta drenta na vigor entrante 3 di jüni próksimo. 



Login