Back to Top
Vigilante banner image

Varessa Donker: “ foi chikí Zaino no gusta pèrdè”


August 30, 2022 • 2 minüt pa lesa

Yegada di e hungadónan ayera na Hato

Hato—Varessa Donker, mama di e coach prinsipal di nos selekshon nashonal di Little League, Zaino Everett, tambe tabata na erport di Hato ayera. E tambe tabata den e delegashon ku a biaha pa Williamsport. Ayera nan a yega riba un otro buelo via di New York ku Jet Blue.

Mesun kòrtiku ku Zaino pero balente, ayera durante un entrevista Varessa Donker a splika un tiki di Zaino Everett. Segun Varessa, “Jessa” na su nòmber di kariño, fo’i chikí Zaino no tabata gusta pèrdè. Zaino a nase den bario di Sta. Maria riba Eliminaweg nèt na e krusada ku Salvadorweg. Einan el a krese hungando beisbòl pero tambe un tiki di futbòl.  Pero apénas 300 meter for di Frank Curiel Ballpark, Zaino su bida tabata destiná pa baseball.  Anke el a inisiá bou tutela di e fam Meyer fo’i e bario di Brievengat, Zaino su kurason a keda den Sta Maria unda e la lanta ku amigunan den famia di Schoop pa kual te awe e tin kontakto diario ku Jonathan.

Pa esnan ku no konosé Zaino, su tata ta mucha di Roi Santu, Ento Everett kende tabata futbolista. Zaino alabes ta sobrino di Remfis “Empie” Donker kende tampoko no ta un deskonosí den mundu di organisashonnan futbolístiko.  Zaino a lanta den deporte i krese den deporte pa mehorá su mes den baseball i pa kolmo su aktu primu, Nelo Jansen tambe ta un koach eksitoso den liganan senior biahando ku selekshon di Kòrsou i konkistando e titulo mundial na 2018. Na 2019, Nelo ta pèrdè kontra di Hawaai den final meskos ku Zaino.

Ayera Jessa Donker durante un entrevista riba Facebook Vigilante a duna un splikashon kon karakter di Zaino ta. Segun Jessa, Zaino semper tabata un hóben ku ta motivante pa su mes i esei tabata unu di e faktornan mas importante den su éksito te ainda komo coach. I pa otro aña: “Zaino ta keda”, Varessa a duna di konosé na final.

Login