Un felis dia, sperando ku lo ta un djasabra kargá ku bendishon den kada kas na Kòrsou. Ayera tabata e promé anochi di e magno evento ku ta hiba di nòmber “Hak’é” kaminda ku sinku agrupashon musikal i un Dj huntu ku un MC a perkurá pa pone un tremendo ambiente den Curaçao Festival Center*.

Kòrsou sigur mester di sorto di eventonan asina aki. Esakinan sigur ta krese farándula den su totalidat. Tambe ta asina ku no tin duda ku Curaçao Festival Center, ta e sitio ideal pa sorto di eventonan di e magnitut asina grandi, manera festival di tumba, ‘Hak’é’ i otro eventonan internashonal, ku ta na kaminda*.

Pa mañan tin nuebe grupo ku ta pa subi kaya, pa asina nan por desvelá nan trahe. E gruponan ta Apetit pa Gosa, Grupo Smile, Grupo Zazo, Kònfeiti Pronketi, Mi Grupo, Moving Dolls, Samba di Ali Ali Ali, Fantasia Kids, Jolly Kids i Mini Sweet Talent*.

Pa loke ta trata e parti musikal ku ta den kaya mañan ku e muchanan ta “Dj Black, Score, Dolce Band, ONE FLAVAZ, Allure, Dj Decky, Dj But, Dj Bradley, Dj RO-1 i Dj Argenis Huerta. Pues mañan for di 2’or di mèrdia tumba i mas tumba hubenil ta bai zona for di salida di e marcha hubenil ku ta na “Plasa Hariri”, ku den boka di pueblo ta konosí komo “Retònde Palu Blanku”*.

Djaluna awor Vigilante Karnavalesko lo perkurá pa trese informashonnan rondó di e dos dianan di “Hak’é”. Ta asina ku e atenshon pa e dos dianan di e evento menshoná, ta hopi haltu, un mas ku otro pero ámbos dia tin hopi atenshon. Mas aleu for di oranan di mainta agrupashon musikal “Oreo” a yega Kòrsou direktamente for di Aruba, i nan a presentá ayera nochi*.

Bon, ku e informashonnan aki, Vigilante Karnavalesko ta bai bandoná e barku, kaminda ku ta prosesá e informashonnan pa asina bai den kaya. Esaki unda ku por yega na e informashonnan risibí. Kòrda ku djaluna awor Vigilante Karnavalesko lo bai trese bastante informashon rondó di marcha hubenil i tambe e dos dianan di ambiente di “Hak’é”.

Bon awor si te djaluna ku poder di Dios*.